మెగా పవర్ స్టార్ రామ్ చరణ్ తేజ్ కొత్త చిత్రం ప్రారంభమైంది. ఈ మూవీ కి వివి వినాయక దర్శకత్వం వహిస్తున్నారు. ఈ చిత్ర మహూర్తపు షాట్ ను చరణ్ పై అతని తల్లి క్లాప్ కొట్టి స్టార్ట్ చేసారు. ఈ ఉదయం అన్నపూర్ణ స్టూడియోస్ లో ఈ కార్యక్రమం అంగరంగ వైభవంగా జరిగింది. దీనికి మెగాస్టార్ డా. చిరంజీవి, లెజెండరీ డైరెక్టర్ కె. రాఘవేంద్ర రావు, ప్రఖ్యాత దర్శకుడు ఎస్ఎస్ రాజమౌళి, అల్లు అర్జున్ తదితర ప్రముఖులు ఈ మహూర్థం పూజకు హాజరయ్యారు.
ఈ చిత్రం నూతన సంవత్సర ఆరంభంలో సెట్స్ పైకి వెళ్ళే అవకాశం ఉంది. ఈ సినిమాలో కాజల్ అగర్వాల్ హీరోయిన్ గా నటిస్తుంది. నిర్మాత డివివి దానయ్య. స్క్రిప్ట్ ఆకుల శివ అందిస్తున్నారు. సెకండ్ హీరోయిన్ ఎవరనేది ఇంకా ఫైనలైజ్ కానట్టు సమాచారం. ఈ చిత్రానికి సంబంధించిన మరిన్ని వివరాలు త్వరలోనే వెల్లడయ్యే అవకాశముంది.