‘అధినాయకుడు’ టైటిల్ గా భావిస్తోన్న నటసింహం నందమూరి బాలకృష్ణ చిత్రం షూటింగ్ శరవేగంగా జరుగుతోంది. శ్రీ కీర్తి కంబైన్స్ బ్యానర్ పై వస్తోన్న ఈ కమర్షియల్ ఎంటర్టైనర్ కు పరుచూరి కిరీటి దర్శకత్వం వహిస్తున్నారు. ఈ చిత్రం లో బాలకృష్ణ మూడు విభిన్న పాత్రల్లో కనిపించబోతున్నారు. ఇటీవ విడుదలచేసిన బాలయ్య ఓల్డ్ గెటప్ కు మంచి స్పందన లభించిన సంగతి తెలిసిందే.
ఈ చిత్ర షూటింగ్ దాదాపు పూర్తి కావచ్చింది. ప్రస్తుతం చిత్ర యూనిట్ మలేషియాలో కొన్ని పాటలు చిత్రీకరించే పనిలో ఉంది. సలోని, లక్ష్మి రాయ్ హీరోయిన్లు గా నటిస్తున్నారు. కళ్యాణ్ మాలిక్ ఈ చిత్రానికి మ్యూజిక్ అందిస్తున్నారు. ఈ మూవీ యాక్షన్ బ్యాక్ డ్రాప్ తో కూడిన పొలిటికల్ డ్రామాగా ఉండబోతోంది.
సంక్రాంతి నాటికి ఈ సినిమా విడుదలయ్యే అవకాశాలు ఉన్నాయి.