క్రిష్ దర్శకత్వం లో రాబోతోన్న చిత్రం లో నటించేందుకు ప్రిన్స్ మహేష్ బాబు తన అంగీకారం తెలిపారు. ఇండస్ట్రీ వర్గాల సమాచారం మేరకు ముగ్గురు హీరోయిన్స్ ఉండే ఈ సినిమా వచ్చే ఏడాది చివరి నాటికి సెట్స్ పైకి వెళ్ళే అవకాశం ఉంది. ఈ మూవీ స్టొరీ లైన్, హీరో పాత్ర చిత్రణ తెలుగు సినిమా ఇండస్ట్రీ చరిత్ర లోనే విభిన్నంగా ఉండనుందని వినికిడి.
ప్రస్తుతం మహేష్ ‘బిజినెస్ మాన్’ చిత్రం తో బిజీగా ఉన్నారు. ఇంకా, విక్టరీ వెంకటేష్ తో మల్టి స్టారర్ మూవీ లోనూ, సుకుమార్ దర్శకత్వం లో రాబోతున్న మరో మూవీ లోనూ ప్రిన్స్ నటించనున్నారు. కాగా, సినిమా తీయటం లో క్రిష్ ది ఓ ప్రత్యేక శైలి. విభిన్నంగా ఉంటుందంటోన్న మహేష్ బాబు తో తీసే చిత్రం ఏ మ్యాజిక్ సృష్టిస్తుందో చూడాలి. ఈ లోగా రానాతో తీయబోతున్న కొత్త ప్రాజెక్ట్ ను దర్శకుడు క్రిష్ పూర్తి చేస్తారు.