మెగా ఫ్యామిలీ కి పెద్ద అయిన మెగాస్టార్ చిరంజీవి – పవర్ స్టార్ పవన్ కళ్యాణ్ మధ్య మనస్పర్ధలు ఉన్నాయని వార్తలు ఎప్పటికప్పుడు మీడియాలో వస్తూనే ఉన్నాయి. చిరు మరియు పవన్ ఎన్ని సార్లు ఈ వార్తలని ఖండించినా మళ్ళీ మళ్ళీ పుకార్లు పుడుతూనే ఉన్నాయి. తాజాగా అభిమానులు చేసిన మెగాస్టార్ చిరంజీవి బర్త్ డే వేడుకల్లో నాగబాబు పవన్ కళ్యాణ్ పై చేసిన కామెంట్స్ అలాంటి వార్తలకి ఆజ్యం పోసింది. కానీ ఆ వార్తలకి ఫుల్ స్టాప్ పెడుతూ పవన్ కళ్యాణ్ చిరు 60వ బర్త్ డే బాష్ కి హాజరయ్యాడు. అంతే కాకుండా ఆయన ఈ వేడుకలో పవన్ తన అమ్మ నాన్నలలా భావించే అన్నయ్య చిరంజీవి, వదినమ్మ సురేఖ గారితో కాసేపు ఆనందంగా గడిపారు. ఈ ఫోటోలు కొన్ని బయటకి వచ్చాయి. అవి మెగా అభిమానులను మరింత ఆనందంలో ముంచెత్తాయి. చాలా రోజుల తర్వాత చిరంజేవి – పవన్ కళ్యాణ్ లను కలిసి చూడడంతో అభిమానుల ఆనందానికి అవధులు లేవు. ఆ హ్యాపీ మోమెంట్ కి సంబందించిన ఫోటోలు మీకందిస్తున్నాం చూసి ఎంజాయ్ చెయ్యండి. అలాగే ఈ లవ్లీ మోమెంట్ పై మీ కామెంట్స్ ని కింద కామెంట్ బాక్స్ లో తెలపండి.
