మెగాస్టార్ చిరంజీవితో సినిమా చేయాలన్న తన అభిమతాన్ని బయటపెట్టారు ప్రముఖ నిర్మాత డి.రామానాయుడు. గతంలో ఆయన చిరంజీవి తో ‘సంఘర్షణ’ చిత్రాన్ని నిర్మించారు. ఆ సినిమా బాక్స్ ఆఫీసు వద్ద సంచలనం విజయం సాధించిన సంగతి తెలిసిందే. తాజా ప్రాజెక్ట్ గురించి రామానాయుడు సూచనప్రాయంగా వివరాలు వెల్లడించారు. ఈ చిత్రం గురించి ఇటీవల చిరంజీవి తో మాట్లాడానని ఆయన సానుకూలంగా స్పందించారని రామానాయుడు తెలిపారు.
“తాము ఈ సినిమాకు ఖచ్చితమైన, మంచి స్క్రిప్ట్ కోసం చూస్తున్నాం. ఈ చిత్రం ద్వారా ఆర్జించిన మొత్తాన్ని సామాజిక సేవా కార్యక్రమాలకు విరాళంగా ఇవ్వాలని నిర్ణయించాం”. అని ఒక ఆడియో ఫంక్షన్లో రామానాయుడు స్పష్టం చేసారు.
దీంతో చిరంజీవి తో సినిమా చేయాలన్న తలంపును వ్యక్తం చేసినవారిలో పూరీ జగన్నాథ్, రామ్ గోపాల్ వర్మ, తరువాత రామానాయుడు చేరినట్లైంది.