పవర్ స్టార్ పవన్ కళ్యాణ్ రాబోయే యాక్షన్ థ్రిల్లర్ ‘పంజా’. పోస్టర్లు బయటకు వచ్చింది మొదలు ఈ మూవీ ఎలా ఉండబోతుందోనని జనాల్లో ఆత్రుత పెరిగి పోయింది. ఈ సినిమా బాక్స్ ఆఫీసు వద్ద ఎలాంటి సంచలనం సృష్టిస్తుందోనని అంతా ఎదురుచూస్తున్నారు. ఇదిలా ఉంటే, ఈ సినిమా ఆడియో విడుదల కార్యక్రమం నవంబర్ 13 న జరుగబోతుంది. ఇందుకోసం వేదిక కూడా నిర్ణయమైంది. గచ్చిబౌలి స్టేడియంలో అత్యంత వైభవోపేతంగా ఆడియో విడుదల చేయనున్నారు.
ఈ చిత్రానికి సంగీతం యువన్ శంకర్ రాజా అందిస్తున్నారు. తమిళ డైరెక్టర్ విష్ణువర్ధన్ ఈ ప్రాజెక్ట్ ను హ్యాండిల్ చేస్తున్నారు. అంజలి లవనియా మరియూ సారా జేన్ డియాస్ హీరోయిన్స్ గా నటిస్తున్నారు. సోభు యార్లగడ్డ, నీలిమ తిరుమలశెట్టి సంయుక్తంగా ఈ చిత్రాన్ని నిర్మిస్తున్నారు.
‘పంజా’ డిసెంబర్ 9 వ తేదీన ప్రపంచవ్యాప్తంగా విడుదల కానుంది.