తమిళ హీరో కార్తీకి తెలుగులో కూడ మంచి ఫాలోయింగ్ ఉంది. ఆయన గత సినిమాలు ‘ఆవారా, నా పేరు శివ, ఖాకీ, ఊపిరి, ఖైదీ’ సినిమాలు తెలుగు ప్రేక్షకులను కూడ విశేషంగా ఆకట్టుకున్నాయి. ప్రస్తుతం కార్తీ చేసిన కొత్త చిత్రం ‘సుల్తాన్’ సినిమా చేస్తున్నారు. ‘రెమో’ ఫేమ్ భాగ్యరాజ్ కన్నన్ ఈ సినిమాను డైరెక్ట్ చేశారు. ఇప్పటివరకు కార్తీ కెరీర్లోనే భారీ బడ్జెట్ చిత్రం ఇదే. ఇటీవల విడుదలైన సినిమా టీజర్ మంచి రెస్పాన్స్ తెచ్చుకుంది. సినిమా మాస్ ప్రేక్షకుల్లో మంచి ఆదరణ దక్కించుకుంటుందని అంచనా వేస్తున్నాయి ట్రేడ్ వర్గాలు.
మొదటగా ఈ చిత్రాన్ని ఏప్రిల్ 2న విడుదలచేయాలని అనుకున్నారు. కానీ కొన్నిరోజులుగా సినిమా వాయిదాపడింది. తమిళ ఎన్నికలు వస్తుండటం, కరోనా కేసులు మళ్ళీ ఎక్కువవుతుండటం మూలానే ఈ వాయిదా అంటున్నారు. కానీ నిర్మాత ఎస్.ఆర్ ప్రభు మాత్రం సినిమా ఏపిల్ 2వ తేదీన విడుదలకావడం ఖాయమని, నిర్ణయంలో ఎలాంటి మార్పు లేదని, ప్రేక్షకులు మాస్కులు వేసుకుని, సరైన జాగ్రత్తలు పాటిస్తూ థియేటర్లలో సినిమాను ఎంజాయ్ చేయాలని తెలిపారు. సో.. ఏప్రిల్ 2నబీ ‘సుల్తాన్’ దిగడం తథ్యమన్నమాట. ఇకపోతే ప్రముఖ డిస్ట్రిబ్యూటర్ వరంగల్ శ్రీను ఆంధ్రా, నైజాం రీజియన్లలో ఈ సినిమాను విడుదలచేస్తునారు.