రవితేజ ప్రస్తుతం రమేష్ వర్మ దర్శకత్వంలో ‘ఖిలాడి’ సినిమా చేస్తోన్న సంగతి తెలిసిందే. అయితే మే 28న ఈ సినిమా రిలీజ్ కాబోతుంది అని ఇప్పటికే మేకర్స్ అధికారికంగా ప్రకటించారు. అయితే ఈ సినిమా రిలీజ్ డేట్ కి రెడీ అవుతుందా అన్నది ఇప్పుడు అనుమానంగా మారింది. ఈ సినిమా ఇంకా నాలుగు షెడ్యూల్స్ షూటింగ్ జరుపుకోవాలని.. పైగా ఒక్క ఇంటర్వెల్ సీక్వెన్స్ నే తీయడానికి దాదాపు పది రోజులు పడుతుందని అందుకే రిలీజ్ డేట్ ను పోస్ట్ పోన్ చేయాలనే ప్లాన్ లో ఉన్నారట మేకర్స్.
ఇక 2021ని విజయవంతంగా ప్రారంభించారు మాస్ మహారాజ రవితేజ. ‘క్రాక్ ‘ విజయంతో ఖిలాడి సినిమా పై అంచనాలు కూడ భారీగా పెరిగాయి. అందుకే డైరెక్టర్ రమేష్ వర్మ సినిమాలో మాస్ కంటెంట్ ఏమాత్రం తగ్గకుండా ఉండేలా చూసుకుంటున్నారట. యాక్షన్ ఎపిసోడ్ల మీద మరింత దృష్టి పెట్టారట. కోనేరు సత్యనారాయణ నిర్మిస్తున్న ఈ సినిమాలో మీనాక్షి చౌదరి మరియు డింపుల్ హయాతిలు కథానాయికలుగా నటిస్తున్నారు. ఈ చిత్రానికి దేవిశ్రీప్రసాద్ బాణీలు అందిస్తున్నారు.