డేర్ అండ్ డాషింగ్ డైరెక్టర్ పూరి జగన్నాథ్ క్రేజీ స్టార్ విజయ్ దేవరకొండ కాంబినేషన్ లో ప్రస్తుతం ‘లైగర్’ సినిమా వస్తోంది. అయితే, పూరి జగన్నాథ్ డైరెక్షన్ లో విజయ్ దేవరకొండ మరో సినిమా చేయబోతున్నాడని గత కొన్ని రోజులుగా వార్తలు వస్తున్నాయి. అయితే, ఈ వార్తల్లో ఎలాంటి వాస్తవం లేదు. విజయ్ దేవరకొండ తన తర్వాత సినిమాను శివ నిర్వాణం డైరెక్షన్ లో చేయబోతున్నాడు. ఈ సినిమాకి సంబంధించి తాజాగా స్క్రిప్ట్ కూడా లాక్ అయిందట.
త్వరలోనే ఈ సినిమా షూటింగ్ డిటైల్స్ కూడా తెలియనున్నాయి. ఇక లైగర్ సినిమా విషయానికి వస్తే.. 2020 జనవరిలో ఈ సినిమా రెగ్యులర్ షూటింగ్ స్టార్ట్ అయింది. మధ్యలో కరోనా రావడంతో “లైగర్” సినిమా షూటింగ్ చాలా ఆలస్యం అయింది. ఎట్టకేలకు ‘లైగర్’ 2022 ఆగస్టులో విడుదల కానుంది. ఇక ఈ సినిమా అవుట్ ఫుట్ విజయ్ కి చాలా బాగా నచ్చిందట.
అందుకే, లైగర్ తర్వాత కూడా పూరితోనే మరో సినిమా చెయ్యాలని విజయ్ దేవరకొండ డిసైడ్ అయ్యాడట. కాకపోతే.. మరో రెండు సినిమాల తర్వాత పూరితో సినిమా చేస్తాడట. ఈ లోపు పూరి బాలయ్యతో సినిమా చేయడానికి రెడీ అవుతున్నాడు.