ప్రముఖ నటి ప్రియమణి ప్రధాన పాత్రలో నటించిన తొలి ఓటీటీ చిత్రం “భామా కలాపం”. అభిమన్యు దర్శకుడిగా పరిచయమైన ఈ మర్డర్ మిస్టరీ థ్రిల్లర్ మూవీని భరత్ కమ్మ సమర్పణలో ఎస్‌వీసీసీ డిజిటల్ ప్రొడక్షన్ హౌజ్ పై బాపినీడు, సుధీర్‌లు సంయుక్తంగా నిర్మించారు. అయితే ఈ చిత్రం డైరెక్ట్ డిజిటల్‌గా ‘ఆహా’లో నేడు విడుదలై పాజిటివ్ టాక్‌ని సొంతం చేసుకుంది.
ఓ వింత అలవాటు కారణంగా అనుకోకుండా ఓ మర్డర్ కేసులో ఇరుకున్న ఓ సాధారణ గృహిణీ ఎలాంటి సమస్యలను ఎదురుకుంది? ఆ సమస్యల నుంచి ఆమె ఎలా బయటపడింది? అనేది ఈ సినిమా కథ. ఇకపోతే ఈ సినిమాలో శాంతి రావు, జాన్ విజయ్, శరణ్య ప్రదీప్, కంచరపాలెం కిషోర్ ఇతర పాత్రల్లో నటించారు.