మెగాపవర్ స్టార్ రామ్ చరణ్ అలాగే యంగ్ టైగర్ ఎన్టీఆర్ లు హీరోలుగా దర్శక దిగ్గజం ఎస్ ఎస్ రాజమౌళి తెరకెక్కించిన లేటెస్ట్ భారీ పాన్ ఇండియా మల్టీ స్టారర్ చిత్రం “రౌద్రం రణం రుధిరం”. సెన్సేషనల్ విజయాన్ని థియేటర్స్ లో సొంతం చేసుకున్న ఈ చిత్రం ఓటిటి లో రిలీజ్ అయ్యాక అయితే ఇక ప్రపంచ వ్యాప్తంగా గతంలో ఏ ఇండియన్ సినిమా కూడా తెచ్చుకోని స్థాయి గుర్తింపును సొంతం చేసుకుంది.
ఇప్పటికీ కూడా నెట్ ఫ్లిక్స్ లో అందుబాటులో ఉన్న ఈ చిత్రాన్ని అనేక మంది విదేశీయులు కొనియాడుతున్నారు. దీనితో ఈ భారీ సినిమా నెట్ ఫ్లిక్స్ లో నాన్ స్టాప్ గా భారీ ఎత్తున ట్రెండ్ అవుతూ అదరగొట్టింది. మరి లేటెస్ట్ గా అయితే ఈ మాసివ్ ప్రాజెక్ట్ ఇదే ఓటిటి ప్లాట్ ఫామ్ లో మరో బిగ్గెస్ట్ మైల్ స్టోన్ అందుకున్నట్టుగా తెలుస్తుంది.
వరుసగా 14 వారాలు ఈ చిత్రం ఇంగ్లీష్ అలాగే నాన్ ఇంగ్లీష్ క్యాటగిరీ లలో గ్లోబల్ గా ట్రెండ్ అయ్యిన ఏకైక సినిమాగా ఇది రికార్డు నమోదు చేసినట్టు తెలిపారు. మొత్తానికి అయితే ఈ చిత్రం హవా మాత్రం వేరే లెవెల్లో ఉందని ఎవరైనా ఒప్పుకొని తీరాలి.