ఇటీవల మణిరత్నం దర్శకత్వంలో తెరకెక్కిన ప్రతిష్టాత్మక పాన్ ఇండియన్ మూవీ పొన్నియన్ సెల్వన్ 1 లో పూంగుజాలి క్యారెక్టర్ లో నటించి తన నటనతో అందరినీ ఆకట్టుకున్న యువ నటి ఐశ్వర్య లక్ష్మి ప్రధాన పాత్రలో తెరకెక్కుతున్న థ్రిల్లింగ్ ఎమోషనల్ డ్రామా మూవీ అమ్ము. నవీన్ చంద్ర, సింహా కీలక పాత్రలు చేసిన ఈ మూవీ ఫస్ట్ లుక్ టీజర్ ఇటీవల రిలీజ్ అయి అందరిలో మంచి ఆసక్తిని రేకెత్తించగా నేడు ఈ మూవీ అఫీషియల్ థియేట్రికల్ ట్రైలర్ ని రిలీజ్ చేసింది యూనిట్. ఇక ఈ ట్రైలర్ లో గృహ హింసకు గురైన భార్యగా ఐశ్వర్య లక్ష్మి కనిపించగా ఆమె భర్త పాత్రలో నవీన్ చంద్ర కనిపించారు.
భార్యా భర్తల మధ్య సాగె అనుబంధం, సమస్యలు, గొడవల నేపథ్యంలో సాగె విధంగా ఈ ట్రైలర్ ని మనం చూడవచ్చు. అలానే ట్రైలర్ లో డైలాగ్స్, బ్యాక్ గ్రౌండ్ స్కోర్, విజువల్స్, యాక్షన్ ఎమోషనల్ సన్నివేశాలు బాగున్నాయి. ఆద్యంతం గ్రిప్పింగ్ స్క్రీన్ ప్లే తో ఆడియన్స్ ని ఆకట్టుకునేలా దర్శకుడు చారుకేష్ శేఖర్ ఈ సినిమాని తెరకెక్కించినట్లు చెప్తోంది యూనిట్. ప్రముఖ ఓటిటి మాధ్యమం అమెజాన్ ప్రైమ్ లో ఈ మూవీ అక్టోబర్ 19న ప్రసారం కానుంది. ఇక టీజర్, ట్రైలర్ తో అందరిలో మరింతగా అంచనాలు ఏర్పరిచిన అమ్ము మూవీని స్టోన్ బెంచ్ ఫిలిమ్స్ వారు నిర్మించగా తెలుగుతో పాటు హిందీ, కన్నడ, తమిళ, మలయాళ భాషల్లో కూడా ఈ మూవీ రిలీజ్ కానుంది.