వరుస చిత్రాలు, వెబ్ సిరీస్ లతో పాటుగా, సరికొత్త ప్రోగ్రామ్స్ తో ప్రేక్షకులను విశేషం గా ఆకట్టుకుంటున్న ఆహా వీడియో ఎంటర్ టైన్మెంట్ లో దూసుకు పోతుంది. నందమూరి బాలకృష్ణ హోస్ట్ గా అన్‌స్టాపబుల్ అనే కార్యక్రమం చేస్తున్న సంగతి అందరికీ తెలిసిందే. మొదటి సీజన్ గ్రాండ్ సక్సెస్ కావడం తో రెండో సీజన్ అంతకు మించి డోస్ ను అందిస్తుంది ఈ కార్యక్రమం.
రెండవ ఎపిసోడ్‌లో, యంగ్ హీరోలు విశ్వక్ సేన్ మరియు సిద్ధు జొన్నలగడ్డ షోను అలంకరించబోతున్నారు. ఈ ప్రోమోలో బాలయ్య త్రివిక్రమ్‌తో ఫోన్‌లో మాట్లాడుతున్నట్లు చూపిస్తూ, పవన్ కళ్యాణ్‌తో పాటు షోకి రావాలని పరోక్షం గా చెప్పారు. ఇప్పుడు ఈ సీజన్ ఫైనల్‌ కి పవన్ కళ్యాణ్, త్రివిక్రమ్ గెస్ట్‌లుగా వస్తారనే వార్తలు వస్తున్నాయి. ఈ వార్త ఇంకా ధృవీకరించబడనప్పటికీ, ఇది మొత్తం వైరల్‌గా మారింది.