కోలీవుడ్ స్టార్ హీరో ధనుష్ హీరోగా వెంకీ అట్లూరి దర్శకత్వం లో తెరకెక్కుతున్న చిత్రం సార్. తమిళ్ లో వాతి పేరుతో తెరకెక్కుతోంది. ఈ బహుభాషా చిత్రం ను డిసెంబర్ 2, 2022 న థియేటర్ల లో గ్రాండ్ గా రిలీజ్ చేసేందుకు చిత్ర యూనిట్ సన్నాహాలు చేస్తుంది. సితార ఎంటర్ టైన్మెంట్స్, ఫార్చ్యూన్ ఫోర్ సినిమాస్, శ్రీకర్ స్టూడియోస్ బ్యానర్ లపై ఈ చిత్రాన్ని సూర్య దేవర నాగ వంశీ, సాయి సౌజన్య, వంశీ పైడిపల్లి లు సంయుక్తంగా నిర్మిస్తున్నారు.
ఈ చిత్రం నుండి విడుదల అయిన ప్రచార చిత్రాలకి ప్రేక్షకుల నుండి, అభిమానుల నుండి సూపర్ రెస్పాన్స్ వస్తోంది. తాజాగా ఈ చిత్రం కి సంబంధించిన డిజిటల్ రైట్స్ ను ప్రముఖ ఓటిటి సంస్థ అయిన ఆహా వీడియో సొంతం చేసుకున్నట్లు తెలుస్తోంది. సంయుక్త మీనన్ లేడీ లీడ్ రోల్ లో నటిస్తున్న ఈ చిత్రానికి జీవి. ప్రకాష్ కుమార్ సంగీతం అందిస్తున్నారు.