టాలీవుడ్ లో ఫస్ట్ మూవీ పటాస్ నుండి తనకంటూ ఆడియన్స్ లో మంచి క్రేజ్ ని అందుకుని ఫస్ట్ మూవీతోనే సూపర్ సక్సెస్ ని కూడా సొంతం చేసుకున్న యువ డైరెక్టర్ అనిల్ రావిపూడి. తన కెరీర్ లో ఇప్పటివరకు చేసిన ప్రతి సినిమాతో కూడా సక్సెస్ అందుకుంటూ ప్రస్తుతం కెరీర్ పరంగా దూసుకెళ్తున్నారు. ఇక ఆయన సినిమాల్లో యాక్షన్ తో పాటు మంచి కామెడీ కూడా ఉంటుంది. అయితే అతి త్వరలో నందమూరి బాలకృష్ణ తో మూవీ కోసం రెడీ అవుతున్న అనిల్ రావిపూడి తొలిసారిగా ప్రముఖ ఓటిటి మాధ్యమం ఆహా వారి ద్వారా బుల్లితెరపైకి ఎంట్రీ ఇవ్వడానికి సిద్ధం అయ్యారు.
తెలుగు సినిమాలో కామెడీ డెఫినిషన్, డెస్టినేషన్ రెండూ మార్చిన యంగ్ టాలెంటెడ్ మన అనిల్ రావిపూడి గారు కామెడీ స్టాక్ ఎక్స్ చేంజ్ చైర్మన్ గా బాధ్యతలు తీసుకున్నారు అంటూ సిఎస్ఈ ప్రోగ్రాం ని త్వరలో ప్రసారం చేయనున్నట్లు ఆహా వారు కొద్దిసేపటి క్రితం తమ సోషల్ మీడియా అకౌంట్స్ లో సిఎస్ఈ కామెడీ షో కి సంబంధించి అనిల్ రావిపూడి పోస్టర్ ని రిలీజ్ చేసారు. కాగా ప్రస్తుతం ఈ పోస్టర్ సోషల్ మీడియాలో వైరల్ గా ప్రచారం అవుతోంది. మరి ఈ షో ఆడియన్స్ ని ఎంతమేర ఆకట్టుకుంటుందో చూడాలి.