ప్రస్తుతం నందమూరి బాలకృష్ణ, గోపీచంద్ మలినేని దర్శకత్వంలో చేస్తున్న మూవీ వీరసింహారెడ్డి. శృతి హాసన్ హీరోయిన్ గా నటిస్తున్న ఈ మూవీని మైత్రి మూవీ మేకర్స్ వారు నిర్మిస్తుండగా థమన్ సంగీతం అందిస్తున్నారు. సంక్రాంతికి ఈ మూవీ ప్రేక్షకుల ముందుకి రానుంది. ఇక మరోవైపు ఆహా ఒటిటి మాధ్యమంలో ప్రసారం అవుతున్న అన్ స్టాపబుల్ షో హోస్ట్ గా కూడా చేస్తూ అదరగొడుతున్న బాలకృష్ణ తొలిసారిగా ఒక కమర్షియల్ యాడ్ లో కనిపించారు. ఇప్పటికే రియల్ ఎస్టేట్ రంగంలో మంచి పేరు గడించిన సాయి ప్రియా గ్రూప్ వారి తాజా రియల్ ఎస్టేట్ ప్రాజెక్ట్ 116 పారమౌంట్ వారి యాడ్ లో నటించారు బాలకృష్ణ.
నేడు ఎందరో అతిథుల సమక్షంలో ప్రారంభం అయింది ఈ వెంచర్. కాగా 116 పారామౌంట్ వారి నుండి నేడు రెండు యాడ్స్ రిలీజ్ అవ్వగా వాటిలో ఒక యాడ్ లో కుర్తా, సూట్ లలో అదరగొట్టే స్టైలిష్ లుక్ లో ఒక యాడ్ లో కనిపించిన బాలకృష్ణ, మరోక యాడ్ లో పక్కా మిడిల్ క్లాస్ వ్యక్తి గెటప్ లో కనిపించి ఆకట్టుకున్నారు. ఆనంద్ గుర్రం దర్శకత్వం వహించిన ఈ రెండు యాడ్స్ కి సురేష్ సారంగం కెమెరా మ్యాన్ గా వ్యవహరించగా, యశ్వంత్ నాగ్ సంగీతం అందించారు. మొత్తంగా ఈ రెండు యాడ్స్ ద్వారా తొలిసారిగా బాలకృష్ణ యాడ్ రంగంలో అడుగుపెట్టి యువ నటులకు సైతం గట్టి పోటీని ఇచ్చారు అనే చెప్పాలి. ప్రస్తుతం ఈ యాడ్స్ ఆడియన్స్ ని ఆకట్టుకుంటున్నాయి.