ప్రస్తుతం ఆడియన్స్ అటు థియేటర్స్ లో సినిమాలు చూడడంతో పాటు ఒటిటి లో కూడా పలు సినిమాలు, వెబ్ సిరీస్ చూసేందుకు ఆసక్తి కనబరుస్తున్నారు. అలానే ఇటీవల పలు ఓటిటి సంస్థలు ఎప్పటికప్పుడు ఆకట్టుకునే కంటెంట్ తో ఆడియన్స్ ముందుకి వస్తున్నాయి. ఆ విధంగా ప్రముఖ ఓటిటి సంస్థల్లో ఒకటైన డిస్నీ ప్లస్ హాట్ స్టార్ వారు గత కొన్నాళ్లుగా పలు విధాల ఎంటర్టైన్మెంట్ కంటెంట్ తో ఆడియన్స్ నుండి మంచి క్రేజ్ దక్కించుకుంటున్నారు.
ఇక ఈ ఫిబ్రవరి లో వారు మరింత ఆసక్తికరమైన కంటెంట్ తో ఆడియన్స్ ముందుకు రావడానికి రెడీ అయ్యారు. ఇక నేడు భారీ హాలీవుడ్ బ్లాక్ బస్టర్ మూవీ బ్లాక్ పాంథర్ వాకండా ఫరెవెర్ మూవీ డిస్నీ హాట్ స్టార్ లో అందుబాటులోకి వచ్చింది. అలానే ఇటీవల టాలీవుడ్ లో సంక్రాంతి కానుకగా రిలీజ్ అయి సూపర్ హిట్ కొట్టిన వీరసింహారెడ్డి అతి త్వరలో వీరి ఓటిటి లో ప్రసారం కానుంది. దానితో పాటు సాయి రోనక్ రాజయోగం తో పాటు డిస్నీ వారి ఒరిజినల్ కంటెంట్ అయిన సదా నిన్ను నడిపే వంటి సినిమాలు ఆడియన్స్ ముందుకి రానున్నాయి. కాగా వీటి యొక్క ప్రసార తేదీలు అతి త్వరలో అనౌన్స్ కానున్నాయి. మొత్తంగా ఈ విధంగా డిస్నీ హాట్ స్టార్ సంస్థ తమ ఆడియన్స్ కి ఈ నెలలో మంచి ఎంటర్టైన్మెంట్ అందించనుంది.