సూపర్ స్టార్ మహేష్ బాబు ప్రస్తుతం త్రివిక్రమ్ శ్రీనివాస్ దర్శకత్వంలో SSMB 28 మూవీ చేస్తోన్న సంగతి తెలిసిందే. హారికా హాసిని క్రియేషన్స్ బ్యానర్ పై ఎంతో భారీ వ్యయంతో రూపొందుతోన్న ఈ మూవీ లో పూజా హెగ్డే, శ్రీలీల హీరోయిన్స్ గా నటిస్తుండగా థమన్ సంగీతం అందిస్తున్నారు. ఈ మూవీ ఆగష్టు 11న విడుదల కానుంది. ఇక దీని తరువాత దర్శకదిగ్గజం ఎస్ ఎస్ రాజమౌళి తో భారీ పాన్ వరల్డ్ మూవీ చేయనున్నారు సూపర్ స్టార్. SSMB 29 వర్కింగ్ టైటిల్ తో తెరకెక్కనున్న ఈ మూవీ యొక్క అఫీషియల్ అనౌన్స్ మరికొన్ని నెలల్లో రానుంది.

అయితే ప్రారంభానికి ముందే ఈ క్రేజీ ప్రాజక్ట్ పై గ్లోబల్ గా ఆడియన్స్ లో సూపర్ స్టార్ ఫ్యాన్స్ లో ఆకాశమే హద్దుగా క్రేజ్ ఉంది. ఇక లేటెస్ట్ క్రేజీ న్యూస్ ప్రకారం ప్రస్తుతం ముంబై లో ఉన్న ప్రముఖ ఓటిటి సంస్థ నెట్ ఫ్లిక్స్ సిఈఓ టెరెండోస్ ఇటీవల ముంబైలో ఒక ఈవెంట్ లో భాగంగా దర్శకదిగ్గజం ఎస్ ఎస్ రాజమౌళిని కలిసి ప్రత్యేకంగా దిగిన పిక్స్ ఇప్పటికే ఇంటర్నెట్ లో ప్రచారం అవుతున్నాయి.

అయితే అదే సమయంలో వీరిద్దరి మధ్య SSMB 29 మూవీ ఓటిటి డీల్ కి సంబంధించి చర్చ జరిగిందని, అలానే నెట్ ఫ్లిక్స్ వారు అన్ని భాషల్లో కలిపి ఈ మూవీ యొక్క డిజిటల్ రైట్స్ త్వరలోనే దక్కించుకునేందుకు సిద్ధం అవుతున్నట్లు తెలుస్తోంది. కాగా ప్రస్తుతం ఈ న్యూస్ సోషల్ మీడియా అంతటా ఎంతో వైరల్ అవుతోంది. ఇక ఇప్పటికే మహేష్ నటిస్తున్న SSMB 28 మూవీ రైట్స్ ని రూ. 81 కోట్ల కి నెట్ ఫ్లిక్స్ సొంతం చేసుకున్నారు. మరి మహేష్, రాజమౌళి సినిమా రైట్స్ వారికే దక్కుతాయో లేదో తెలియాలి అంటే మరికొన్నాళ్లు ఆగాల్సిందే.