కోలీవుడ్ స్టార్ హీరో సూర్య హీరోగా బాలీవుడ్ స్టార్ హీరోయిన్ దిశా పటాని హీరోయిన్ గా దర్శకుడు శివ తెరకెక్కిస్తున్న భారీ పాన్ ఇండియా సినిమా కోసం తెలిసిందే. మరి సూర్య కెరీర్ లో 42వ సినిమాగా దీనిని ప్లాన్ చేస్తుండగా ఈ సినిమా సూర్య కెరీర్ లోనే భారీ బడ్జెట్ సినిమాగా తెరకెక్కుతుంది. మరి ఆల్రెడీ పాన్ ఇండియా లెవెల్లో క్రేజీ హైప్ లో ఉన్న ఈ సినిమా అయితే శరవేగంగా షూటింగ్ జరుపుకుంటూ ఉండగా ఇప్పుడు ఈ సినిమాకి ఓటిటి డీల్ అయితే కంప్లీట్ అయ్యినట్టుగా తెలుస్తుంది.
మరి ఈ సినిమా స్ట్రీమింగ్ హక్కులు అయితే ప్రముఖ సంస్థ అమెజాన్ ప్రైమ్ వీడియో అయితే భారీ మొత్తంలో చెల్లించి సొంతం చేసుకున్నట్టుగా తెలుస్తుంది. అంతే కాకుండా ఈ డీల్ కోలీవుడ్ సినిమా దగ్గర రెండో అతి పెద్ద డీల్ అన్నట్టుగా కూడా టాక్. మరి దీనిపై అసలు ఫిగర్ ఎంతో బయటకి రావాల్సి ఉంది. ఇక ఈ భారీ సినిమాకి అయితే దేవిశ్రీ ప్రసాద్ సంగీతం అందిస్తుండగా యూవీ క్రియేషన్స్ మరియు గ్రీన్ స్టూడియోస్ వారు సంయుక్తంగా నిర్మాణం వహిస్తున్నారు.