క్రియేటివ్ డైరెక్టర్ కృష్ణవంశీ దర్శకత్వంలో ప్రకాష్ రాజ్, బ్రహ్మానందం, రమ్యకృష్ణ, రాహుల్ సిప్లిగంజ్, శివాత్మిక రాజశేఖర్, ఆదర్శ్ బాలకృష్ణ, అనసూయ భరద్వాజ్ తదితరులు కీలక పాత్రలు పోషించిన ఈ యాక్షన్ ఎమోషనల్ ఎంటర్టైనర్ మూవీ ఇటీవల ఆడియన్స్ ముందుకి వచ్చి పెద్ద విజయం అందుకుంది. మరాఠీ మూవీ నట సామ్రాట్ కి అఫీషియల్ రీమేక్ గా రూపొందిన రంగమార్తాండలో ప్రకాష్ రాజ్, రమ్యకృష్ణ, బ్రహ్మానందం తమ తమ పాత్రల్లో ఒదిగిపోయి కనబరిచిన అద్భుత సహజత్వ నటనకు అందరి నుండి గొప్ప ప్రసంశలు దక్కాయి.
అమ్మ నాన్నల కథగా దర్శకుడు కృష్ణవంశీ దీనిని ఎంతో హృద్యంగా తెరకెక్కించి ఆడియన్స్ మన్ననలు అందుకున్నారు. అయితే విషయం ఏమిటంటే, నేటి నుండి ఈమూవీ ప్రముఖ ఓటిటి మాధ్యమం అమెజాన్ ప్రైమ్ ద్వారా బుల్లితెర ఆడియన్స్ ముందుకి వచ్చింది. అటు థియేటర్స్ లో ఆడియన్స్ ని అలరించిన రంగమార్తాండ బుల్లితెరపై కూడా తప్పకుండా అందరినీ ఆకట్టుకుని మంచి పేరు సొంతం చేసుకుంటుందని అంటోంది యూనిట్.