కృష్ణవంశీ దర్శకత్వంలో ప్రకాష్ రాజ్, బ్రహ్మానందం, రమ్యకృష్ణ, రాహుల్ సిప్లిగంజ్, శివాత్మిక రాజశేఖర్, ఆదర్శ్ బాలకృష్ణ, ఆలీ రెజా తదితరులు కీలక పాత్రలు పోషించిన తాజా యాక్షన్ ఎమోషనల్ ఎంటర్టైనర్ మూవీ రంగమార్తాండ. రంగస్థల నటుల జీవితం కథాంశంతో అమ్మ నాన్న ల కథగా దర్శకుడు కృష్ణవంశీ అత్యద్భుతంగా తెరకెక్కించిన ఈ దృశ్యకావ్యానికి థియేటర్స్ లో ఆడియన్స్ నుండి సూపర్ గా రెస్పాన్స్ లభించింది.
ఇటీవల థియేటర్స్ లో రిలీజ్ అయి బాక్సాఫీస్ వద్ద మంచి విజయం అందుకున్న రంగమార్తాండ మూవీ నిన్నటి నుండి ప్రముఖ ఓటిటి మాధ్యమం అమెజాన్ ప్రైమ్ ద్వారా బుల్లితెర ప్రేక్షకుల ముందుకి వచ్చింది. అయితే విషయం ఏమిటంటే, కేవలం రెండు రోజుల్లోనే ఈ మూవీ ఓటిటి ఆడియన్స్ నుండి సూపర్ క్రేజ్ అందుకుని ప్రస్తుతం అమెజాన్ ప్రైమ్ లో ఇండియన్ వైడ్ ట్రెండ్ అవుతున్న టాప్ 10 మూవీస్ లో మొదటి స్థానంలో నిలిచింది. కాగా తమ సినిమాకి ఇంతటి ఆదరణ అందిస్తున్న ప్రేక్షకాభిమానులకి కృష్ణవంశీ తన సోషల్ మీడియా అకౌంట్స్ ద్వారా ప్రత్యేకంగా కృతజ్ఞతలు తెలిపారు.
