లేటెస్ట్ గా పాన్ ఇండియా వైడ్ రిలీజ్ అయ్యిన టాలీవుడ్ చిత్రం “దసరా” కోసం అందరికీ తెలిసిందే. నాచురల్ స్టార్ నాని హీరోగా కీర్తి సురేష్ హీరోయిన్ గా దర్శకుడు శ్రీకాంత్ ఓదెల తెరకెక్కించిన ఈ మాస్ ఎంటర్టైనర్ చిత్రం మంచి హిట్ గా అయితే నిలిచింది. మరి ఇదిలా ఉండగా ఈ సినిమా ఇప్పుడు డిజిటల్ డెబ్యూ ఇచ్చేందుకు సిద్ధం అయ్యిన సంగతి తెలిసిందే.
తాజాగా దిగ్గజ స్ట్రీమింగ్ సంస్థ నెట్ ఫ్లిక్స్ వారు “దసరా” స్ట్రీమింగ్ ని ఈ ఏప్రిల్ 27న ఉంటుంది అని కన్ఫర్మ్ చేసారు. అయితే ఆరోజున కేవలం దక్షిణాది నాలుగు భాషల్లోనే రిలీజ్ ఉంటుంది అని కన్ఫర్మ్ చేశారు. తెలుగు, తమిళ్, కన్నడ, మళయాళ భాషల్లో మొదట ఈ సినిమా స్ట్రీమింగ్ కి రానుండగా ఆ తర్వాత హిందీ భాషలో మరో డేట్ న రిలీజ్ కానుంది. మరి దానిపై తర్వాత క్లారిటీ రానుంది. ఇక ఈ సినిమాకి సంతోష్ నారాయణన్ సంగీతం అందించగా ఎస్ ఎల్ వి సినిమాస్ వారు నిర్మాణం వహించారు.