మాస్ మహారాజా రవితేజ హీరోగా త్రినాధరావు నక్కిన దర్శకత్వంలో తెరకెక్కిన సక్సెస్ఫుల్ మూవీ ధమాకా. శ్రీలీల హీరోయిన్ గా నటించిన ఈ మూవీకి భీమ్స్ సిసిలోరియో సంగీతం అందించగా పీపుల్స్ మీడియా ఫ్యాక్టరీ, అభిషేక్ అగర్వాల్ ఆర్ట్స్ సంస్థలు దీనిని గ్రాండ్ లెవెల్లో నిర్మించాయి. రవితేజ మార్క్ యాక్షన్, ఎంటర్టైన్మెంట్ అంశాలతో దర్శకుడు త్రినాధరావు తెరకెక్కించిన ధమాకా మూవీ రవితేజ కెరీర్ లో అత్యధిక కలెక్షన్ సొంతం చేసుకున్న మూవీగా రికార్డు క్రియేట్ చేసింది.
ఇక ఇటీవల ఈ మూవీ ప్రముఖ ఓటిటి మాధ్యమం నెట్ ఫ్లిక్స్ ద్వారా తెలుగు వర్షన్ ఆడియన్స్ అందుబాటులోకి వచ్చి మంచి వ్యూస్ రాబట్టగా, తాజాగా జీ 5 ఓటిటి మాధ్యమం ద్వారా ఈ మూవీ యొక్క హిందీ డబ్బింగ్ వర్షన్ కూడా అందుబాటులోకి రావడం జరిగింది. ఇక థియేటర్స్ లో ఆడియన్స్ ని ఫ్యాన్స్ ని ఆకట్టుకున్న ధమాకా ప్రస్తుతం ఓటిటి ఆడియన్స్ ని కూడా అలరిస్తుండడంతో యూనిట్ ఆనందం వ్యక్తం చేస్తోంది.