యువ నటుడు శివకార్తికేయన్ ప్రస్తుతం మహావీరుడు సినిమాతో పాటు అయలాన్ అనే సినిమా కూడా చేస్తున్నారు. కాగా వీటిలో అయలాన్ మూవీ యొక్క రిలీజ్ డేట్ అనౌన్స్ మెంట్ నేడు వచ్చింది. పాన్ ఇండియన్ మూవీ గా ఆర్. రవికుమార్ దర్శకత్వంలో ప్రతిష్టాత్మకంగా రూపొందుతున్న ఈ మూవీని రానున్న దీపావళి సందర్భంగా పలు భాషల్లో గ్రాండ్ గా రిలీజ్ చేయనున్నట్లు మేకర్స్ తెలిపారు. రకుల్ ప్రీత్ సింగ్ ఇందులో హీరోయిన్ గా నటిస్తోంది.
ఇక మడోన్న అశ్విన్ దర్శకత్వంలో శివకార్తికేయన్ నటిస్తున్న మహావీడు మూవీ తెలుగు, తమిళ భాషల్లో థియేటర్స్ లో ఆగస్టు 11, 2023న విడుదల కానుంది. అయితే విషయం ఏమిటంటే, ఈ మూవీ ఒటిటి హక్కులను ప్రముఖ సంస్థ అమెజాన్ ప్రైమ్, అలానే టెలివిజన్ రైట్స్ ని జెమినీ టెలివిజన్ తాజగా దక్కించుకున్నాయి. అదితి శంకర్ హీరోయిన్ గా నటిస్తున్న ఈ మూవీలో సరిత, యోగి బాబు, మిస్కిన్, సునీల్ తదితర నటులు కీలక పాత్రలు పోషించారు. శాంతి టాక్స్ నిర్మించిన ఈ సినిమాకి భరత్ శంకర్ సంగీతం అందించారు.