టాలీవుడ్ స్టార్ హీరో, మాస్ మహారాజా రవితేజ ధమాకా సినిమా మరోసారి సంచలనం సృష్టించింది. ఈ చిత్రం థియేటర్లలో అద్భుతమైన రన్‌ను సాధించింది. మాస్ మహారాజా కెరీర్ లో అత్యధిక వసూళ్లను రాబట్టిన చిత్రం గా నిలిచింది. టెలివిజన్‌లో మొదటి టెలికాస్ట్‌లో, ధమాకా భారీ 10.08 TRP ను పొందింది. స్మాల్ స్క్రీన్‌లపై ఫ్యామిలీ ఆడియన్స్ సినిమాను బాగా ఎంజాయ్ చేస్తున్నట్టు కనిపిస్తోంది.
ఈ చిత్రం రెండవ టెలికాస్ట్‌లో 6.31 టిఆర్‌పిని నమోదు చేసింది. ముఖ్యంగా ఈ ఓటిటి టైమ్ లో TRP లో ఈ స్థాయి నిలకడను కొనసాగించడం గొప్ప ఫీట్ అని చెప్పాలి. ఈ కమర్షియల్ ఎంటర్టైనర్‌కి త్రినాథరావు నక్కిన దర్శకత్వం వహించారు. శ్రీలీల కథానాయికగా నటించింది. పీపుల్ మీడియా ఫ్యాక్టరీ, అభిషేక్ అగర్వాల్ ఆర్ట్స్ బ్యానర్లపై టిజి విశ్వ ప్రసాద్ మరియు వివేక్ కూచిభొట్ల ఈ చిత్రాన్ని నిర్మించారు. భీమ్స్ సిసిరోలియో స్వరాలు సమకూర్చారు. జయరామ్, సచిన్ ఖేడేకర్, రావు రమేష్, తనికెళ్ల భరణి, హైపర్ ఆది కీలక పాత్రలు పోషించారు.