నాచురల్ స్టార్ నాని హీరోగా కీర్తి సురేష్ హీరోయిన్ గా యువ దర్శకుడు శ్రీకాంత్ ఓదెల దర్శకత్వంలో తరకెక్కిన లేటెస్ట్ మాస్ యాక్షన్ లవ్ ఎమోషనల్ మూవీ దసరా. ఇటీవల థియేటర్స్ లో పలు భాషల ఆడియన్స్ ముందుకి వచ్చిన ఈ మూవీ బాక్సాఫీ దగ్గర భారీ విజయం సొంతం చేసుకుని హీరోగా నాని కెరీర్ లో బిగ్గెస్ట్ హిట్ గా నిలిచింది. ఈ మూవీని శ్రీ లక్ష్మి వెంకటేశ్వర సినిమాస్ సంస్థ పై సుధాకర్ చెరుకూరి నిర్మించగా సంతోష్ నారాయణన్ సంగీతం అందించారు.
ఇక రెండు రోజుల క్రితం దసరా మూవీ ప్రముఖ ఓటిటి మాధ్యమం నెట్ ఫ్లిక్స్ ద్వారా బుల్లితెర ఆడియన్స్ ముందుకి వచ్చింది. పలు భాషల ఆడియన్స్ నుండి ఈ మూవీకి ప్రస్తుతం మంచి ఆదరణ లభిస్తోంది. అయితే విషయం ఏమిటంటే, ప్రస్తుతం దసరా మూవీ తెలుగు వర్షన్ టాప్ 1 గా అలానే తమిళ్ వర్షన్ టాప్ 3 గా తమ ఓటిటి లో ఇండియా వైడ్ ట్రెండింగ్ లో కొనసాగుతోంది అంటూ నెట్ ఫ్లిక్స్ వారు కొద్దిసేపటి క్రితం ప్రకటించారు. మొత్తంగా అటు థియేటర్స్ లో ఇటు ఓటిటి లో దసరా కి ఇంత మంచి ఆదరణ లభించడంతో యూనిట్ ఆనందం వ్యక్తం చేస్తోంది.