యువ నటుడు అఖిల్ అక్కినేని నటించిన లేటెస్ట్ భారీ పాన్ ఇండియన్ మూవీ ఏజెంట్ ఇటీవల మంచి అంచనాలతో ప్రేక్షకుల ముందుకి వచ్చిన సంగతి తెలిసిందే. అయితే టీజర్,ట్రైలర్, సాంగ్స్ తో అందరిలో మంచి హైప్ ఏర్పరిచిన ఈమూవీ రిలీజ్ తరువాత బాక్సాఫీస్ వద్ద నెగటివ్ టాక్ ని సొంతం చేసుకుంది. సాక్షి వైద్య హీరోయిన్ గా నటించిన ఈ మూవీ సురేందర్ రెడ్డి తెరకెక్కించగా సురేందర్ 2 సినిమాస్ సంస్థ తో కలిసి ఏకే ఎంటర్టైన్మెంట్స్ సంస్థ పై అనిల్ సుంకర భారీ వ్యయంతో నిర్మించారు.
మమ్ముట్టి, రావురమేష్, డినో మోరియో తదితరులు ఇందులో ఇతర ముఖ్య పాత్రల్లో కనిపించారు. అయితే విషయం ఏమిటంటే, ఇప్పటికే ఈ మూవీ యొక్క ఓటిటి హక్కులు సొంతం చేసుకున్న ప్రముఖ ఓటిటి సంస్థ సోని లివ్ వారు దీనిని మే 19న తమ ఆడియన్స్ ముందుకి తీసుకురానున్నట్లు కొద్దిసేపటి క్రితం ప్రకటించారు. ప్రస్తుతం థియేటర్స్ లో ఏజెంట్ కలెక్షన్స్ ఏమాత్రం ఆశాజనకంగా లేకపోవడంతో పాటు ఈ మూవీ డిస్ట్రిబ్యూటర్లు, బయ్యర్లకు భారీ నష్టాలు మిగిల్చనుండగా ఈ మూవీ ప్లాప్ బాధ్యత మొత్తం తమదే అని ఇటీవల నిర్మాత అనిల్ సుంకర అఫీషియల్ గా ప్రకటించిన విషయం తెలిసిందే.
