కోలీవుడ్ లో యువనటి గా ప్రస్తుతం మంచి అవకాశాలతో అలానే పలు సక్సెస్ లతో దూసుకెళ్తున్నారు ఐశ్వర్య రాజేష్. ఇక తాజాగా ఆమె నటించిన తమిళ మూవీ ఫర్హానా. మే 12 న థియేటర్స్ లో రిలీజ్ అయిన ఈ మూవీ బాక్సాఫీస్ వద్ద బాగానే సక్సెస్ సాధించింది. నెల్సన్ వెంకటేశన్ రచన, దర్శకత్వం వహించిన ఈ మూవీ ఇటు తెలుగు లో కూడా విడుదలై ఇక్కడి ఆడియన్స్ ని కూడా అలరించింది.
డ్రీం వారియర్ పిక్చర్స్ బ్యానర్ ఫై ఎస్ ఆర్ ప్రభు, ఎస్ ఆర్ ప్రకాష్ ఈ మూవీని గ్రాండ్ లెవెల్లో నిర్మించారు. జస్టిన్ ప్రభాకరన్ సంగీతం అందించిన ఈ మూవీ యొక్క ఓటిటి రిలీజ్ కి సంబంధించి ప్రస్తుతం సినీ వర్గాల్లో ఒక న్యూస్ వైరల్ అవుతోంది. అదేమిటంటే, ఫర్హానా మూవీ ప్రముఖ ఓటిటి మాధ్యమం సోనీ లివ్ ద్వారా జూన్ 16 నుండి బుల్లితెర ఆడియన్స్ ముందుకి రానుందని అంటున్నారు. కాగా ఈ వారం దీనికి సంబంధించి టీమ్ నుండి అఫీషియల్ అనౌన్స్ మెంట్ కూడా రానుందట. ఈ మూవీలో ఐశ్వర్య రాజేష్ నటనకు అందరి నుండి మంచి పేరు లభించింది.