ఇటీవల ప్రపంచవ్యాప్తంగా విడుదలై మంచి విజయం సొంతం చేసుకున్న హాలీవుడ్ యాక్షన్ సినిమా జాన్ విక్ 4. కీను రీవ్స్ ప్రధాన పాత్రలో నటించిన జాన్ విక్ చాప్టర్ 4 ఆల్ టైమ్ అత్యుత్తమ యాక్షన్ చిత్రాలలో ఒకటిగా ప్రశంసించబడింది. యుఎస్‌లో డిజిటల్ గా విడుదలైన తర్వాత, ఈ సినిమా ఇప్పుడు భారతదేశంలోని ఓటిటి ప్లాట్‌ఫారమ్‌లో ప్రదర్శితం కానుంది. ప్రముఖ ఓటిటి ప్లాట్‌ఫారమ్ లయన్స్‌గేట్ ప్లే ఈ సినిమాని జూన్ 23, 2023న భారతదేశంలో ప్రదర్శించ బడుతుందని తాజాగా ప్రకటించింది.

కాగా ఈ సినిమా కేవలం ఇంగ్లీష్ లో మాత్రమే కాకుండా తెలుగు, తమిళం మరియు హిందీలలో కూడా అందుబాటులో ఉంటుంది. చాడ్ స్టాహెల్‌స్కీ దర్శకత్వం వహించిన ఈ సినిమాలో డోనీ యెన్, బిల్ స్కార్స్‌గార్డ్, లారెన్స్ ఫిష్‌బర్న్, హిరోయుకి సనాడా మరియు ఇతరులు కూడా కీలక పాత్రల్లో నటించారు. దీనికి టైలర్ బేట్స్ మరియు జోయెల్ జె. రిచర్డ్ సంగీతం సమకూర్చారు. మొత్తంగా ఈ మూవీ భారతదేశంలో ఓటిటి రిలీజ్ కి సిద్ధం అవడంతో ఇక్కడి మూవీ లవర్స్ ఆనందం వ్యక్తం చేస్తున్నారు.