టాలీవుడ్ డైరెక్టర్ వెంకీ అట్లూరి దర్శకత్వం లో, కోలీవుడ్ స్టార్ హీరో ధనుష్ ప్రధాన పాత్రలో నటించిన ద్వి భాషా చిత్రం వాతి/ సార్. ఈ చిత్రం థియేటర్ల లో విడుదల అయ్యి ప్రేక్షకులను, అభిమానులను విశేషంగా ఆకట్టుకుంది. ధనుష్ కెరీర్ లోనే అత్యధిక వసూళ్లు సాధించిన చిత్రం గా సార్ నిలిచింది. అయితే జెమిని టీవీ లో సార్ చిత్రం ఇటీవల వరల్డ్ టెలివిజన్ ప్రీమియర్ గా ప్రసారం అయిన సంగతి అందరికీ తెలిసిందే.
మొదటి సారి ఈ చిత్రం డీసెంట్ టీఆర్పీ రేటింగ్ ను రాబట్టింది. ధనుష్ నటించిన సార్ చిత్రం 5.89 టీఆర్పీ రేటింగ్ ను రాబట్టడం జరిగింది. ఈ చిత్రం లో సంయుక్త మీనన్ లేడీ లీడ్ రోల్ లో నటించగా, సుమంత్ కీలక పాత్రలో నటించాడు. ఈ చిత్రానికి జీవి ప్రకాష్ కుమార్ సంగీతం అందించారు.