సీనియర్ యాక్టర్ నరేష్, పవిత్రా లోకేష్ జంటగా నటించిన తాజా సినిమా మళ్లీ పెళ్లి. ప్రముఖ నిర్మాత దర్శకుడు ఎంఎస్ రాజు దర్శకత్వం వహించిన ఈ సినిమా గత నెలలో థియేటర్లలో విడుదలై విమర్శకులు మరియు ప్రేక్షకుల నుండి మిశ్రమ స్పందన అందుకుంది. అయితే తాజా సమాచారం ప్రకారం, ఈ సినిమా ప్రముఖ ఓటిటి మాధ్యమం ఆహాలో జూన్ 23 నుండి స్ట్రీమింగ్ అవుతుంది.
అయితే థియేటర్లలో ఈ సినిమాను మిస్ అయిన వారు స్ట్రీమింగ్ ప్లాట్‌ఫారమ్‌లో ఆస్వాదించే అవకాశాన్ని ఇది అందిస్తుంది. ఇంకా ఈ సినిమాలో జయసుధ, శరత్‌బాబు, వనిత విజయకుమార్, అనన్య నాగెళ్ల, రోషన్, రవివర్మ, అన్నపూర్ణ, భద్రమ్, యుక్త, ప్రవీణ్ యండమూరి మరియు మధు వంటి ఇతర ప్రముఖ నటీనటులు కీలక పాత్రల్లో నటించారు. సురేష్ బొబ్బిలి మరియు అరుల్ దేవ్ సంగీతం అందించిన ఈ సినిమాని విజయకృష్ణ మూవీస్ బ్యానర్ పై నరేష్ గ్రాండ్ గా నిర్మించారు. మరి ఈ మూవీ ఓటిటి ఆడియన్స్ ని ఎంతమేరకు ఆకట్టుకుంటుందో చూడాలి.