టాలీవుడ్ యంగ్ నటుడు సంతోష్ శోభన్ హీరోగా, గౌరీ జీ. కిషన్ హీరోయిన్ గా, డైరెక్టర్ ప్రశాంత్ కుమార్ దిమ్మల దర్శకత్వం లో తెరకెక్కిన రొమాంటిక్ కామెడీ ఎంటర్టైనర్ శ్రీదేవి శోభన్ బాబు. గోల్డ్ బాక్స్ ఎంటర్ టైన్మెంట్ బ్యానర్ పై విష్ణు ప్రసాద్, సుస్మిత కొణిదెల నిర్మించిన ఈ చిత్రానికి కమ్రాన్ సంగీతం అందించారు.
ఈ చిత్రం థియేటర్ల లో విడుదల అయ్యి ప్రేక్షకులను ఆకట్టుకుంది. అయితే బాక్సాఫీస్ వద్ద మాత్రం అంతగా వసూళ్ళను రాబట్టలేదు. ఈ చిత్రం ఇప్పుడు బుల్లితెర ప్రేక్షకులను అలరించడానికి సిద్ధం అవుతోంది. స్టార్ మా లో ఈ ఆదివారం మధ్యాహ్నం 1:00 గంటలకు వరల్డ్ టెలివిజన్ ప్రీమియర్ గా ప్రసారం కానుంది. ఈ చిత్రం బుల్లితెర పై ఎలాంటి రెస్పాన్స్ ను సొంతం చేసుకుంటుందో చూడాలి.