కోలీవుడ్ యంగ్ హీరో శివ కార్తికేయన్ ప్రధాన పాత్రలో, డైరెక్టర్ మడోన్నా అశ్విన్ దర్శకత్వం లో తెరకెక్కిన యాక్షన్ ఎంటర్టైనర్ మహావీరుడు. ఈ చిత్రం థియేటర్ల లో రిలీజ్ అయ్యి ప్రేక్షకులను, అభిమానులని విశేషం గా ఆకట్టుకుంది. ఇప్పుడు ఈ సినిమా డిజిటల్ ప్రీమియర్ గా ప్రేక్షకులను మరోసారి అలరించడానికి రెడీ అయిపోయింది. ఈ చిత్రం యొక్క డిజిటల్ హక్కులను ప్రముఖ ఓటిటి సంస్థ అయిన అమెజాన్ ప్రైమ్ వీడియో సొంతం చేసుకున్న సంగతి అందరికీ తెలిసిందే.
ఆగస్ట్ 11, 2023 నుండి ఈ చిత్రం ప్రైమ్ వీడియో లో ప్రసారం కానుంది. తమిళం లో మాత్రమే కాకుండా, తెలుగు భాషలో కూడా ఈ చిత్రం ప్రేక్షకుల కి అందుబాటులోకి రానుంది. థియేటర్ల లో మిస్ అయిన వారికి ఇది మంచి అవకాశం. అదితి శంకర్ హీరోయిన్ గా నటించిన ఈ చిత్రం లో యోగి బాబు, సునీల్ తదితరులు కీలక పాత్రల్లో నటించారు. భరత్ శంకర్ సంగీతం అందించిన ఈ చిత్రం డిజిటల్ ప్రీమియర్ గా ఎలాంటి రెస్పాన్స్ ను సొంతం చేసుకుంటుందో చూడాలి.