పాన్ ఇండియన్ స్టార్ ప్రభాస్ హీరోగా ఓం రౌత్ దర్శకత్వంలో తెరకెక్కిన లేటెస్ట్ మైథలాజికల్ భారీ మూవీ ఆదిపురుష్. రామాయణం ఆధారంగా తెరకెక్కిన ఈ మూవీలో ప్రభాస్ రాఘవగా, కృతి సనన్ జానకిగా కనిపించగా భజరంగి పాత్రలో దేవదత్త నాగే, అలానే లంకేశ్ పాత్రలో సైఫ్ ఆలీ ఖాన్ నటించారు. ఇటీవల జూన్ లో మంచి అంచనాలతో ప్రేక్షకాభిమానుల ముందుకి వచ్చిన ఆదిపురుష్ బాక్సాఫీస్ వద్ద ఆశించిన స్థాయి విజయం అందుకోలేకపోయింది.
అయితే విషయం ఏమిటంటే, తాజాగా ఈ మూవీ ఓటిటి ఆడియన్స్ ముందుకి వచ్చింది. కాగా అమెజాన్ ప్రైమ్ లో ఆదిపురుష్ తెలుగు, తమిళ, మలయాళ, కన్నడ వర్షన్స్ అందుబాటులో ఉండగా హిందీ వర్షన్ మాత్రం నెట్ ఫ్లిక్స్ లో ప్రసారం అవుతోంది. మొత్తంగా అందరూ ఎప్పుడెప్పుడా అని ఎదురు చూస్తున్న ఆదిపురుష్ ఓటిటి లోకి వచ్చేయడంతో ఇది ఎంతమేర ఓటిటి ఆడియన్స్ ని అలరించి వ్యూస్ అందుకుంటుందో చూడాలని పలువురు ఆసక్తికరంగా ఎదురు చూస్తున్నారు. రిట్రో ఫైల్స్, టి సిరీస్ ఫిలిమ్స్ బ్యానర్స్ పై ఆదిపురుష్ భారీ వ్యయంతో నిర్మితం అయింది.