టాలీవుడ్ హీరో అల్లరి నరేష్ ప్రధాన పాత్రలో, డైరెక్టర్ విజయ్ కనకమేడల దర్శకత్వం లో తెరకెక్కిన యాక్షన్ థ్రిల్లర్ ఉగ్రం. ఈ చిత్రం థియేటర్ల లో రిలీజ్ అయ్యి ప్రేక్షకులను అలరించింది. ఈ చిత్రం ఇప్పుడు వరల్డ్ టెలివిజన్ ప్రీమియర్ గా బుల్లితెర ప్రేక్షకులను అలరించడానికి రెడీ అయిపోయింది. ఈ చిత్రం సెప్టెంబర్ 17, 2023 న సాయంత్రం 6:00 గంటలకు ప్రముఖ టీవీ ఛానల్ అయిన జీ తెలుగు లో ప్రసారం కానుంది.
షైన్ స్క్రీన్స్ బ్యానర్ పై సాహు గారపాటి, హరీష్ పెద్ది లు సంయుక్తంగా నిర్మించిన ఈ చిత్రానికి శ్రీ చరణ్ పాకాల సంగీతం అందించారు. మిర్నా మీనన్ హీరోయిన్ గా నటించిన ఈ చిత్రం బుల్లితెర పై ఎలాంటి రెస్పాన్స్ ను సొంతం చేసుకుంటుందో చూడాలి.