సౌత్ ఇండియన్ ఇంటర్నేషనల్ మూవీ అవార్డ్స్ (SIIMA ) ప్రతి ఏడాది అట్టహాసంగా జరుగుతుందనేది మనకు అందరికీ తెలిసిందే. ఇక ఈ ఏడాది కూడా మన సౌత్ సినీ పరిశ్రమకు చెందిన పలు సినిమాలు పలు క్యాటగిరిల్లో అవార్డులకు నామినేట్ అయ్యాయి. అయితే వీటిలో ఎవరెవరికి ఏ ఏ అవార్డులు దక్కాయి అనేది మరొక రెండు రోజుల్లో తెలియనుంది. కాగా ఈ అవార్డుల వేడుకని రేపు మరియు ఎల్లుండి దుబాయ్ లో పలువురు సినీ ప్రముఖుల సమక్షంలో గ్రాండ్ గా నిర్వహించనున్నారు.
కాగా SIIMA – 2023 అవార్డుల వేడుక కి సంబంధించి కొద్దిసేపటి క్రితం ఒక ప్రెస్ మీట్ జరిగింది. ఈ ప్రెస్ మీట్ లో రానా దగ్గుబాటి, లక్ష్మి మంచు, శ్రీలీల, ప్రణీత సుభాష్, జేవీ ప్రకాష్ కుమార్ తదితరులు పాల్గొన్నారు. ఈవెంట్ ఈ ఏడాది మరింత గ్రాండ్ గా జరిపేందుకు మేకర్స్ అన్నివిధాలుగా సన్నాహాలు చేసారని, తప్పకుండా ఇది అద్భుతంగా జరుగుతుందని ఆశిస్తున్నట్లు గెస్టులు తెలిపారు. కాగా వారి ప్రెస్ మీట్ తాలూకు ఫోటోలు ప్రస్తుతం సోషల్ మీడియాలో వైరల్ అవుతున్నాయి.