యువ కథానాయికల్లో ఒకరైన నిత్యా మీనన్ తాజాగా ప్రధాన పాత్రలో నటించిన వెబ్ సిరీస్ కుమారి శ్రీమతి. యువ దర్శకుడు గోమఠేష్ ఉపాధ్యాయ తెరకెక్కించిన ఈ సిరీస్ నిన్న ప్రముఖ ఓటిటి మాధ్యమం అమేజాన్ ప్రైమ్ ద్వారా ఆడియన్స్ ముందుకి వచ్చింది. స్వప్న సినిమా బ్యానర్ పై స్వప్న దత్ నిర్మించిన ఈ సిరీస్ లో వికె నరేష్, గౌతమి, నిరుపమ్, తాళ్లూరి రామేశ్వరి, తిరువీర్, మురళి మోహన్, ప్రేమ్ సాగర్ తదితరులు కీలక పాత్రలు చేసారు.
ఆద్యంతం ఆకట్టుకునే కథ కథనాలతో కామెడీ, యాక్షన్, ఎమోషనల్ ఫ్యామిలీ ఎంటర్టైనర్ గా రూపొందిన కుమారి శ్రీమతి అమెజాన్ ప్రైమ్ లో ఇండియా లోని టాప్ షోస్ లో నెంబర్ వన్ స్థానంలో కొనసాగుతోంది. కాగా తమ సిరీస్ కి ఇంత మంచి రెస్పాన్స్ అందించిన ఆడియన్స్ కి కుమారి శ్రీమతి టీమ్ ప్రత్యేకంగా కృతజ్ఞతలు చెప్పారు.