టాలీవుడ్ ప్రముఖ కమెడీయన్ బ్రహ్మానందం, స్వాతి రెడ్డి, సముద్ర ఖని, రాహుల్ విజయ్, శివాత్మిక రాజశేఖర్, నరేష్ ఆగస్త్య, దివ్య దృష్టి, వికాస్, ఆదర్శ్ బాలకృష్ణ, శ్రీ విద్యా మహర్షి తదితరులు నటించిన చిత్రం పంచతంత్రం. హర్ష పులిపాక రచన, దర్శకత్వం లో తెరకెక్కిన ఈ చిత్రం ధియేటర్ల లో రిలీజ్ అయ్యి ప్రేక్షకులను ఆకట్టుకుంది. ఇప్పుడు ఈ సినిమా వరల్డ్ టెలివిజన్ ప్రీమియర్ గా బుల్లితెర ప్రేక్షకులను అలరించడానికి రెడీ అయిపోయింది.
త్వరలో, ప్రముఖ టీవీ ఛానల్ అయిన ఈటీవీ తెలుగు ఛానెల్ లో ఈ సినిమా ప్రసారం కానుంది. టికెట్ ఫ్యాక్టరీ, ఎస్. ఒరిజినల్స్ బ్యానర్ లపై నిర్మించిన ఈ చిత్రానికి ప్రశాంత్ ఆర్. విహారి మరియు శ్రావణ్ భరద్వాజ్ లు సంగీతం అందించారు. ఈ చిత్రం బుల్లితెర పై ఎలాంటి రెస్పాన్స్ ను సొంతం చేసుకుంటుందో చూడాలి.