టాలీవుడ్ యంగ్ హీరో సుధీర్ బాబు ప్రధాన పాత్రలో నటించిన తాజా చిత్రం మామా మశ్చీంద్ర. ఈ చిత్రం బాక్సాఫీస్ వద్ద అనుకున్న రీతిలో విజయం సాధించలేదు. ఈ చిత్రానికి నటుడు, రైటర్ అయిన హర్షవర్ధన్ రచన మరియు దర్శకత్వం వహించారు. ఈ ప్రాజెక్ట్‌పై సుధీర్ బాబు చాలా ఆశలు పెట్టుకున్నాడు, కానీ సినిమా ఆశించిన ఫలితాన్ని పొందలేదు. అక్టోబర్ 20 నుండి ఈ సినిమా స్ట్రీమింగ్‌కు అందుబాటులో ఉండనుంది. అమెజాన్ ప్రైమ్ వీడియో ఇప్పటికే ఆ డిజిటల్ ప్రీమియర్ డేట్ ను వెల్లడించింది. అయితే త్వరలో ఆహా వీడియో కూడా ప్రీమియర్ కి సంబందించిన ప్రకటన చేసే అవకాశం ఉంది.
సుధీర్ బాబు నటించిన ఈ చిత్రం థియేట్రికల్ విడుదలైన రెండు వారాలకే OTTలో అరంగేట్రం చేస్తోంది. హర్ష వర్ధన్, అలీ రెజా, రాజీవ్ కనకాల, హరితేజ, అజయ్, మిర్చి కిరణ్, తదితరులు సహాయక పాత్రలు పోషించారు. శ్రీ వెంకటేశ్వర సినిమాస్ LLP మరియు సృష్టి సెల్యులాయిడ్ లపై ఈ సినిమాను నిర్మించారు. చైతన్ భరద్వాజ్ ఈ సినిమాకి సంగీతం అందించారు. ఈషా రెబ్బా, మృణాళిని రవి ఇందులో హీరోయిన్స్ గా నటించారు.