నటసింహం నందమూరి బాలకృష్ణ హీరోగా కాజల్ అగర్వాల్ హీరోయిన్ గా అనిల్ రావిపూడి దర్శకత్వంలో తెరకెక్కిన లేటెస్ట్ మాస్ యాక్షన్ ఎమోషనల్ ఎంటర్టైనర్ మూవీ భగవంత్ కేసరి. ఈ మూవీలో నేలకొండ భగవంత్ కేసరి అనే పవర్ఫుల్ రోల్ లో బాలకృష్ణ కనిపించనుండగా ఆయన కూతురిగా శ్రీలీల నటిస్తున్నారు. థమన్ సంగీతం అందిస్తున్న ఈ మూవీని షైన్ స్క్రీన్స్ బ్యానర్ పై హరీష్ పెద్ది, సాహు గారపాటి భారీ స్థాయిలో నిర్మించారు.
ఇక ఈ మూవీని అక్టోబర్ 19న గ్రాండ్ గా ఆడియన్స్ ముందుకి తీసుకురానున్నారు. ఇక ఇప్పటికే మూవీ యొక్క ప్రమోషన్స్ పై గట్టిగా దృష్టి పెట్టారు మేకర్స్. ఇటీవల పలు మీడియా ఛానెల్స్ కి ఇంటర్వూస్ ఇచ్చారు టీమ్. మ్యాటర్ ఏమిటంటే, తాజాగా భగవంత్ కేసరి టీమ్ తెలుగు టెలివిజన్ తెర పై ప్రసారం అవుతున్న బిగ్గెస్ట్ రియాలిటీ షో బిగ్ బాస్ సీజన్ 7 లో సందడి చేయనున్నారు. డైరెక్టర్ అనిల్ రావిపూడి, హీరోయిన్ శ్రీలీల ఇద్దరూ కూడా ఈ వీకెండ్ బిగ్ బాస్ షోలో జాయిన్ అవ్వనున్నారు. ఈ సందర్భంగా బిగ్ బాస్ తెలుగు 7 హోస్ట్ నాగార్జునని వారిద్దరూ కలిసిన పిక్స్ ప్రస్తుతం సోషల్ మీడియాలో వైరల్ అవుతున్నాయి.
