ఇలయదళపతి విజయ్ హీరోగా త్రిష హీరోయిన్ గా తెరకెక్కిన లియో మూవీ ఇటీవల పలు భాషల ఆడియన్స్ ముందుకి వచ్చి సూపర్ హిట్ టాక్ తో మంచి కలెక్షన్ తో ప్రస్తుతం కొనసాగుతున్న విషయం తెలిసిందే. సెవెన్ స్క్రీన్ స్టూడియో బ్యానర్ పై ఎంతో భారీ స్థాయిలో నిర్మితం అయిన ఈ మూవీని లోకేష్ కనకరాజ్ తెరకెక్కించగా అనిరుద్ సంగీతం అందించారు. అయితే ఈ మూవీ యొక్క ఆడియో లాంచ్ ఈవెంట్ ని మూవీ రిలీజ్ కి ముందు చెన్నైలోని నెహ్రు ఇండోర్ స్టేడియంలో ప్లాన్ చేసిన మేకర్స్ కొన్ని అనివార్య కారణాల వలన దానిని రద్దు చేసారు.
కాగా లేటెస్ట్ కోలీవుడ్ టాక్ ప్రకారం నవంబర్ 1న లియో మూవీ యొక్క సక్సెస్ మీట్ ని అదే స్టేడియంలో నిర్వహించాలని మేకర్స్ గ్రాండ్ లెవెల్లో ప్లాన్ చేసినట్లు తెలుస్తోంది. ఇప్పటికే అక్కడి స్థానిక పోలీసుల నుండి పర్మిషన్ కి కూడా అప్లై చేసిందట లియో టీమ్. కాగా వారి నుండి పర్మిషన్ వచ్చే అవకాశం ఉందని, మరోవైపు ఈ సక్సెస్ మీట్ కోసం ఏర్పాట్లు గ్రాండ్ గా జరుగుతున్నాయని అంటున్నారు. అయితే దీని పై లియో మేకర్స్ నుండి అధికారికంగా ప్రకటన మాత్రం రావాల్సి ఉంది.