కోలీవుడ్‌లో స్టార్ హీరో విక్రమ్, టాలెంటెడ్ డైరెక్టర్ గౌతమ్ వాసుదేవ్ మీనన్ దర్శకత్వం లో చేస్తున్న సినిమా ధృవ నట్చతిరం. తెలుగు లో ధృవ నక్షత్రం గా ప్రేక్షకుల ముందుకు రానుంది. ఇందులో రీతూ వర్మ హీరోయిన్ గా నటిస్తుంది. ఈ చిత్రాన్ని నవంబర్ 24, 2023న విడుదల చేసేందుకు ప్లాన్ చేస్తున్నారు మేకర్స్. అయితే ఈ సినిమాకి సంబందించిన డిజిటల్ హక్కులని ప్రముఖ ఓటిటి ప్లాట్ ఫామ్ అయిన నెట్ ఫ్లిక్స్ సొంతం చేసుకున్నట్లు తెలుస్తోంది. దీనిపై అధికారిక ప్రకటన త్వరలో వెలువడే అవకాశం ఉంది.
పార్థిబన్, ఐశ్వర్య రాజేష్, సిమ్రాన్, రాధిక, అర్జున్ దాస్ మరియు దివ్యదర్శిని ఇందులో కీలక పాత్రలు పోషిస్తున్నారు. హారిస్ జయరాజ్ సంగీతాన్ని అందిస్తున్నారు. ఒండ్రగా ఎంటర్టైన్మెంట్, కొండడువోమ్ ఎంటర్టైన్మెంట్ మరియు ఎస్కేప్ ఆర్టిస్ట్స్ మోషన్ పిక్చర్స్ సంయుక్తంగా నిర్మించిన ఈ చిత్రం పై ప్రేక్షకుల్లో ఆసక్తి నెలకొంది.