సూపర్ స్టార్ మహేష్ బాబు ప్రధాన పాత్రలో, డైరెక్టర్ త్రివిక్రమ్ శ్రీనివాస్ దర్శకత్వంలో తెరకెక్కిన యాక్షన్ ఎంటర్టైనర్ గుంటూరు కారం. సంక్రాంతి పండుగ సందర్భంగా జనవరి 12 న థియేటర్ల లో రిలీజ్ అయిన ఈ సినిమా ప్రేక్షకులని విశేషం గా ఆకట్టుకుంటుంది. ఈ చిత్రం బాక్సాఫీస్ వద్ద మంచి వసూళ్లతో దూసుకు పోతుంది. యూఎస్ లో ఈ సినిమాకి మంచి రెస్పాన్స్ వస్తోంది. ఈ చిత్రం ఇప్పటి వరకూ 2 మిలియన్ డాలర్ల కి పైగా వసూళ్లు రాబట్టింది. పండుగ సీజన్ కావడం, వీకెండ్ కూడా అవ్వడం తో సినిమా మరింత వసూళ్లను రాబట్టే అవకాశాలు కనిపిస్తున్నాయి.
ఈ చిత్రం లో యంగ్ బ్యూటీ శ్రీ లీల హీరోయిన్ గా నటించగా, ప్రకాష్ రాజ్, రమ్య కృష్ణ, రావు రమేష్, ఈశ్వరి రావు, జగపతి బాబు, మీనాక్షి చౌదరి తదితరులు కీలక పాత్రల్లో నటించారు. మ్యూజికల్ సెన్సేషన్ థమన్ ఈ సినిమాకి సంగీతం అందించారు.