టాలెంటెడ్ డైరెక్టర్ ప్రశాంత్ వర్మ దర్శకత్వంలో, తేజ సజ్జ ప్రధాన పాత్రలో నటించిన సూపర్ హీరో మూవీ హను మాన్. ఈ చిత్రం థియేటర్ల లో రిలీజ్ అయ్యి ప్రేక్షకులను విశేషం గా ఆకట్టుకుంటుంది. బాక్సాఫీస్ వద్ద భారీ వసూళ్లతో దూసుకు పోతుంది. ఇప్పటికే పలు రికార్డు లను క్రియేట్ చేసిన ఈ సినిమా రాజమౌళి చిత్రాల సరసన చేరి సెన్సేషన్ క్రియేట్ చేస్తోంది.
ఇప్పటి వరకు టాలీవుడ్ లో ఎక్కువ ప్రాఫిట్స్ సాధించిన చిత్రాల్లో రాజమౌళి సినిమాల తర్వాత హను మాన్ నిలిచింది. బాహుబలి 2, బాహుబలి 1, RRR చిత్రాల తర్వాత హనుమాన్ ఎక్కువ ప్రాఫిట్స్ రాబట్టిన టాలీవుడ్ మూవీ గా సెన్సేషన్ క్రియేట్ చేయడం జరిగింది. ఈ చిత్రం లో అమృత అయ్యర్ లేడీ లీడ్ రోల్ లో నటించగా, వరలక్ష్మి శరత్ కుమార్, వినయ్ రాయ్ లు కీలక పాత్రల్లో నటించారు. లాంగ్ రన్ లో ఈ సినిమా మరింత వసూళ్లను రాబట్టే అవకాశాలు కనిపిస్తున్నాయి.