నాచురల్ స్టార్ నాని హీరోగా ప్రియాంక మోహన్ హీరోయిన్ గా యువ దర్శకుడు వివేక్ ఆత్రేయ దర్శకత్వంలో తెరకెక్కుతున్న లేటెస్ట్ పాన్ ఇండియన్ యాక్షన్ మూవీ సరిపోదా శనివారం. ఈ మూవీని డివివి ఎంటర్టైన్మెంట్స్ బ్యానర్ పై దానయ్య గ్రాండ్ లెవెల్లో నిర్మిస్తుండగా జేక్స్ బిజోయ్ సంగీతం అందిస్తున్నారు.
ప్రస్తుతం వేగంగా షూటింగ్ జరుపుకుంటున్న ఈ మూవీ ఈ ఏడాది ద్వితీయార్ధంలో రిలీజ్ అయ్యే అవకాశం ఉంది. విషయం ఏమిటంటే, ప్రముఖ ఓటిటి సంస్థ నెట్ ఫ్లిక్స్ వారు తాజాగా ఈ మూవీ యొక్క సౌత్, నార్త్ మొత్తం ఓటిటి రైట్స్ ని రూ. 45 కోట్లకు దక్కించుకున్నట్లు తెలుస్తోంది. కాగా ఇది నాని కెరీర్ లోనే హైయెస్ట్ అని అంటున్నారు. గతంలో నాని, వివేక్ ఆత్రేయ కాంబినేషన్ లో వచ్చిన అంటే సుందరానికి కూడా బాగానే సక్సెస్ కావడంతో ఈ మూవీపై అందరిలో మంచి అంచనాలు ఉన్నాయి.