టాలీవుడ్ యంగ్ యాక్టర్ నితిన్ హీరోగా వేణు శ్రీరామ్ దర్శకత్వంలో తెరకెక్కుతున్న లేటెస్ట్ మూవీ తమ్ముడు. ఈ మూవీలో నితిన్ సరసన కాంతార ఫేమ్ సప్తమి గౌడ కథానాయికగా నటిస్తుండగా ఆయనకు సోదరిగా లయ కనిపించనున్నారు. అలానే ఈ సినిమాలో మరో కథానాయిక కూడా ఉన్నారని ఆ కీలక పాత్రలో వర్ష బొల్లమ్మ యాక్ట్ చేస్తున్నారని తెలిసింది.
అయితే ప్రస్తుతం వెంకీ కుడుముల దర్శకత్వంలో రాబిన్ హుడ్ మూవీ చేస్తున్న నితిన్ ఫిబ్రవరి రెండవ వారం తరువాత తమ్ముడు మూవీకి సంబంధించి మారేడుమిల్లి లో జరిగే షెడ్యూల్ లో పాల్గొనున్నారట. సిస్టర్ సెంటిమెంట్ తో పాటు యాక్షన్, ఎంటర్టైన్మెంట్ హంగులతో ఈ మూవీ రూపొందనుందని తెలుస్తోంది. శ్రీ వెంకటేశ్వర క్రియేషన్స్ బ్యానర్ పై దిల్ రాజు గ్రాండ్ గా నిర్మించనున్న తమ్ముడు మూవీ గురించిన మరిన్ని అప్ డేట్స్ త్వరలో ఒక్కొక్కటిగా రానున్నాయి.