బాలీవుడ్ స్టార్ యాక్టర్ రణబీర్ కపూర్ హీరోగా నేషనల్ క్రష్ రష్మిక మందన్న హీరోయిన్ గా సందీప్ రెడ్డి వంగా దర్శకత్వంలో తెరకెక్కిన లేటెస్ట్ భారీ పాన్ ఇండియన్ మూవీ ఆనిమల్. భద్రకాళి పిక్చర్స్, సినీ వన్ స్టూడియోస్, టి సిరీస్ ఫిలిమ్స్ సంస్థలు గ్రాండ్ లెవెల్లో నిర్మించిన ఈ మూవీ ఇటీవల రిలీజ్ అయి బాక్సాఫీస్ వద్ద పెద్ద సక్సెస్ సొంతం చేసుకున్న విషయం తెలిసిందే.

అనంతరం జనవరి 26న ప్రముఖ ఓటిటి మాధ్యమం నెట్ ఫ్లిక్స్ ద్వారా బుల్లితెర ఆడియన్స్ ముందుకి వచ్చిన ఈ మూవీ ప్రస్తుతం సెన్సేషన్ సృష్టిస్తోంది. విషయం ఏమిటంటే, తాజాగా ఈ మూవీ ఇండియాలో అత్యధికులు వీక్షించిన మూవీగా నెట్ ఫ్లిక్స్ లో టాప్ పొజిషన్ లో నిలిచి సెన్సేషనల్ రికార్డు నెలకొల్పింది. ఈ విషయాన్ని కొద్దిసేపటి క్రితం నెట్ ఫ్లిక్స్ సంస్థ తమ సోషల్ మీడియా ప్రొఫైల్స్ లో ప్రకటించింది. అలానే ఇది నాన్ ఇంగ్లీష్ మూవీస్ విభాగంలో నెట్‌ఫ్లిక్స్ యొక్క గ్లోబల్ చార్ట్‌లలో 3వ స్థానానికి త్వరగా చేరుకున్న సినిమాగా భారతీయ ఓటిటి చరిత్రలో మరొక రికార్డు కూడా సొంతం చేసుకుంది.