మన టాలీవుడ్ ఎనర్జిటిక్ స్టార్ రామ్ పోతినేని హీరోగా డాషింగ్ దర్శకుడు పూరి జగన్నాథ్ కాంబినేషన్ లో తెరకెక్కించిన సెన్సేషనల్ మాస్ హిట్ చిత్రం “ఇస్మార్ట్ శంకర్” కోసం అందరికీ తెలిసిందే. మరి ఈ చిత్రానికి సాలిడ్ సీక్వెల్ “డబుల్ ఇస్మార్ట్” ని ఇప్పుడు మేకర్స్ కంప్లీట్ చేస్తున్నారు. అయితే గత చిత్రానికి సంగీత దర్శకుడు మణిశర్మ ఎలాంటి మ్యూజిక్ ఇచ్చారో తెలిసిందే.
పాటలకి పాటలు బ్యాక్గ్రౌండ్ స్కోర్ కూడా నెక్స్ట్ లెవెల్లో తాను అందించారు. ఆ మ్యూజిక్ తోనే సినిమా అప్పుడు సగం హిట్ అయ్యిపోయింది. ఇక ఇపుడు ఈ సినిమాకి కూడా తాను వర్క్ చేయడంతో దీనిపై మరిన్ని అంచనాలు నెలకొన్నాయి. మరి ఇస్మార్ట్ శంకర్ లో రెండు సాలిడ్ మాస్ నంబర్స్ ఉన్న సంగతి తెలిసిందే.
ఇప్పుడు డబుల్ ఇస్మార్ట్ లో వాటిని మించిన మాస్ నెంబర్ ని ఇప్పుడు చిత్రీకరణ చేస్తున్నట్టుగా తెలుస్తుంది. భారీ బడ్జెట్ తో వేసిన సెట్టింగ్ లో అయితే పూరి అండ్ కో రామ్ పై ఈ సాంగ్ ని తెరకెక్కిస్తున్నారట. మరి ఈ సాంగ్ ఎలా ఉంటుందో చూడాల్సిందే. ఇక ఈ చిత్రానికి ఛార్మి నిర్మాణం వహిస్తుండగా మేకర్స్ పాన్ ఇండియా లెవెల్లో ఈ సినిమాని రిలీజ్ ప్లాన్ చేస్తున్నారు.