పాన్ ఇండియా స్టార్ ప్రభాస్, ప్రశాంత్ నీల్ దర్శకత్వంలో తెరకెక్కిన ‘సలార్’ బ్లాక్ బస్టర్ హిట్ అవ్వడంతో ఇప్పుడు సలార్-2 పై కూడా భారీ అంచనాలు నెలకొన్నాయి. ఇందులో భాగంగానే ‘సలార్ 2’ కోసం ప్రశాంత్ నీల్ ప్రత్యేకమైన ఫోకస్ పెట్టాడు. ఆల్ రెడీ ఇప్పటికే సలార్ 2 షూటింగ్ మొదలైంది. ఐతే, తాజాగా ఈ సినిమాకి సంబంధించి మరో క్రేజీ న్యూస్ వినిపిస్తోంది. ఈ సినిమాలో మలయాళ నటుడు షైన్ టామ్ చాకో ఓ కీలక పాత్ర పోషిస్తున్న సంగతి తెలిసిందే.
ఐతే, ప్రస్తుతం షైన్ టామ్ చాకో పై కీలక సన్నివేశాలను చిత్రీకరిస్తున్నారని తెలుస్తోంది. షైన్ టామ్ చాకో విలన్ పాత్రలోనే నటిస్తున్నాడు. అన్నట్టు, ఈ పార్ట్ 2 సినిమాకు ‘శౌర్యాంగ పర్వం’ అనే టైటిల్ ను ఖరారు చేశారు. కాగా ఆ మధ్య ‘సలార్ 2’ సినిమా నిర్మాత విజయ్‌ కిరగందూర్‌ కూడా మాట్లాడుతూ.. ఈ సినిమా పార్ట్-2ని వేగంగా పూర్తి చేసి.. 2025లో రిలీజ్ చేస్తామన్నారు. కాగా, పార్ట్-2 సినిమా ‘గేమ్ ఆఫ్ థ్రోన్స్‌’లా ఉండనుందని ఆయన తెలిపారు.