న‌టీనటులు సోష‌ల్ మీడియాలో ఏది పోస్ట్ చేసినా అది వైర‌ల్ గా మార‌డం స‌హ‌జం. ఇదే కోవ‌లో న‌టి నివేథా పేతురాజ్ పోలీసులతో గొడ‌వ‌ప‌డుతూ క‌నిపించిన వీడియో ఒకటి గురువారం నాడు నెట్టింట తెగ చ‌క్క‌ర్లు కొట్టింది. ఆమె నిజంగానే పోలీసుల‌తో గొడ‌వ‌కు దిగిందా.. లేక ఇదంతా కేవ‌లం ప్ర‌మోష‌న్స్ కోస‌మేనా అని అభిమానులు ఆరా తీశారు.

కాగా, ఈ వీడియోకి సంబంధించిన అస‌లు క‌థ బ‌య‌ట‌కు వ‌చ్చింది. నివేథా పేతురాజ్ పోలీసులతో గొడ‌వ‌ప‌డుతున్న‌ట్లు క‌నిపించిన వీడియో కేవ‌లం ప్ర‌మోష‌న‌ల్ స్టంట్ అని తేలింది. ఆమె న‌టిస్తున్న ‘ప‌రువు’ అనే వెబ్ సిరీస్ కోసం ఇలా వినూత్నంగా ప్ర‌మోష‌న్స్ చేప‌ట్టారు. ప్ర‌ముఖ ఓటీటీ ప్లాట్ ఫామ్ జీ5లో త్వ‌ర‌లో స్ట్రీమింగ్ కి రాబోతున్న‌ ‘ప‌రువు’ వెబ్ సిరీస్ ఓ క్రైమ్ థ్రిల్ల‌ర్ గా తెర‌కెక్కించారు.

‘ప‌రువు’ వెబ్ సిరీస్ ను ప‌వ‌న్ స‌దినేని డైరెక్ట్ చేస్తుండ‌గా, సుస్మిత కొణిదెల నిర్మాత‌గా వ్య‌వ‌హ‌రిస్తున్నారు. గోల్డ్ బాక్స్ ఎంట‌ర్టైన్మెంట్ బ్యాన‌ర్ పై వ‌స్తున్న ఈ వెబ్ సిరీస్ లో నాగ‌బాబు, న‌రేష్ అగ‌స్త్య‌, ప్ర‌ణీత్ పట్నాయ‌క్ కీల‌క పాత్ర‌ల్లో న‌టిస్తున్నారు. జూన్ 14 నుండి ఈ వెబ్ సిరీస్ స్ట్రీమింగ్ కానున్న‌ట్లు జీ5 ప్ర‌క‌టించింది.